काठमाडौं उपत्यका आउन भदौसम्म पास चाहिन्छ !

७ साउन, काठमाडौं । गएरातीदेखि लकडाउन अन्त्य भएपनि काठमाडौं उपत्यका भित्रिन भने पास अनिवार्य गरिएको छ । भदौदेखि मात्रै सार्वजनिक लामो दुरीका बस चल्ने भएकाले एक जिल्लाबाट अर्को जिल्ला प्रवेश गर्न पास अनिवार्य गरिएको गृह मन्त्रालयले जनाएको हो ।

सोमबार बसेको मन्त्रिपरिषद बैठकले पनि यही निर्णय गरेको थियो । तर मंगलबारदेखि लकडाउन खुल्यो भन्दै काठमाडौं आउनेका लागि पास मागेपछि उपत्यका भित्रिनेलाई फेरि सास्ती भएको छ । भदौदेखि मात्रै बिना पास काठमाडौं आउन पाइने गृह मन्त्रालयको भनाई छ ।