मौवाखोलाको पुल मोटरसाइकल हिड्ने बन्यो

९ साउन, धादिङ । पृथ्वी राजमार्ग मोटरसाइकल हिड्ने मिल्ने बाटो बनेको छ । पहिरोले भत्किएको धादिङ र चितवन जोड्ने मौवाखोलाको पुल नजिकको सडक मोटरसाइकल तथा साना गाडी हिड्न मिल्ने भएको स्थानीयले बताएका छन् ।

पूल भत्किएको चार दिनपछि पृथ्वी राजमार्गमा मोटरसाइकल आवतजावत सुरु भएको हो । भत्किएको ठाउमा ग्यावीन भरेपछि मोटरसाईकल आवतजावत सुरु भएको हो ।

बेलुकासम्म पानी नपरेमा साना गाडिहरु आवतजावत गर्न सक्ने र ठूलो गाडी चल्ने बनाउन अझै केही दिन लाग्नेछ ।