खुशीको खबर ! अब छोराछोरी जन्माए तीन हजार पाइने

५ वैशाख, जुम्ला । खुशिको खबर ! जुम्लाको पातारासी गाउँपालिकामा अब छोराछोरी जन्माए तीन हजार पाइने छ । गाउँपालिकाले नयाँ शिशु जन्मने बित्तिकै रु तीन हजार दिने व्यवस्था गरेको हो ।

गाउँपालिका उपाध्यक्ष पुन्नकली महताराका अनुसार छोराछोरीको विभेद हटाउन शिशु जन्मने बित्तिकै रु तीन हजार दिने व्यवस्था गरेको गरिएको हो ।

अभिभावकलाई बालबालिकाप्रति लगानी गर्ने इच्छा जागोस् भन्ने हेतुले गाउँपालिकाले यो अवधारणा ल्याएको बताइएको छ । घरपरिवारले अनिवार्य रुपमा रु तीन हजार थपेर बैंकमा खाता खोल्नुपर्ने गरिएको गाउँपालिकाले जनाएको हो ।

अब जन्मिने बालबालिकाको जन्मदिनमा आफन्तजनले दिएको दक्षिणासमेत निजकै खाता जम्मा गर्नुपर्ने नियमसमेत बनाएको छ । साथैगाउँपालिकाले बालबालिकाका लागि कोष खडा गरेको छ ।