रुपन्देहीमा जारी निषेधाज्ञा जेठ १३ गतेसम्म लम्ब्याइने

२९ बैशाख, रुपन्देही । कोरोना संक्रमणको जोखिम बढेसँगै रुपन्देहीमा जारी निषेधाज्ञा जेठ १३ गतेसम्म लम्ब्याइने भएको छ । बुधबार बसेको जिल्ला कोभिड–१९ संकट व्यवस्थापन केन्द्र ‘डीसीसीएमसी’को बैठकले कोरोना संक्रमण नियन्त्रणका लागि निषेधाज्ञा लम्ब्याउने निर्णय गरेको हो ।

रुपन्देहीमा यसअघि वैशाख १६ गतेदेखि ३० गतेसम्म निषेधाज्ञा जारी गरिएको थियो । डीसीसीएमसीले प्रमुख जिल्ला अधिकारीलाई सिफारिस गरेको बताइएको छ ।