नेष्डो समृद्धको आईपीओ नेप्सेमा कहिले होला सूचीकृत ?

८ चैत, काठमाडौं । नेष्डो समृद्ध लघुवित्तले सर्वसाधारणको लागि बिक्री गरेको आईपीओ फागुन २४ गते बाँडफाँड गरेको हो । फागुन २४ गते बाँडफाँड गरेको आईपीओ आज अर्थात चैत ८ गतेसम्म पनि नेप्सेमा सूचीकृत भएको छैन् ।

कम्पनीले सर्वसाधारणको लागि निष्कासन गरेको आईपीओ आगामी साता सूचीकृत गर्ने बिक्री प्रबन्धक ग्लोबल आईएमई क्यापिटलले नेपाल बहसलाई जनाएको छ ।

‘आईपीओ सूचीकृत गर्न सम्पूर्ण प्रक्रिया पुरा गरिसकेका छौ, क्यापिटलले भन्यो, धितोपत्र बोर्डले ‘ग्लोबल बिक मनी’ संचालन गरिरहेकाले यो साता सम्भव नहुने र अगामी साताको आइत–सोमबार आईपीओ सूचीकृत गर्ने तयारी भएको छ ।’

सर्वसाधारणको लागि जारी गरेको ७ लाख ७४ हजार ५६३ सय कित्ता आईपीओ नेपाल धितोपत्र बोर्डको निर्देशिका अनुसार गोलाप्रर्था मार्फत बाँडफाँड हुँदा ७७ हजार ४५३ जनाले १० कित्ताको दरले आईपीओ पारे । त्यस्तै, ३ जनाले भने ११ कित्ताको दरले आईपीओ हात पार्न सफल भए ।

कति पाउला ओपनिङ रेञ्ज ?

नेप्सेले कम्पनीको पहिलो कारोबारका लागि प्रतिशेयर न्युनतम ३ सय ५२ रूपैयाँ २३ पैसादेखि अधिकतम १ हजार ५६ रुपैयाँ ६६ पैसासम्म ओपनिङ रेञ्ज निर्धारण गर्ने देखिन्छ ।

नेप्सेले हरेक कम्पनीको पहिलो कारोबारको लागि नेटवर्थको तीन गुणासम्म ओपनिङ रेञ्ज तोक्ने गर्दछ ।

कम्पनीको आर्थिक वर्ष २०७७/७८ को प्रतिशेयर नेटवर्थ ३ सय ५२ रूपैयाँ २३ पैसा रहेको छ । सोही नेटवर्थको ३ गुणा १ हजार ५६ रुपैयाँ ६६ पैसा हुन्छ ।