बिहीबारसम्म शेयर खरिद गर्नेले पाउनेछन् जीवन विकास र टेलिकमको लाभांश ?

९ फागुन, काठमाडौं । बिहीबार अर्थात चैत १० गतेसम्म शेयर खरिद गर्नेले जीवन विकास र नेपाल दूरसञ्चार कम्पनीको लाभांश पाउने भएका छन् । जीवन विकास र नेपाल टेलिकमले साधारणसभा र लाभांश प्रयोजनको लागि बुक क्लोज शुक्रबार र सनिबार गदैछन् ।

जीवन विकास लघुवित्तले साधारण सभा र लाभांश वितरण प्रयोजनको लागि चैत १२ गते देखि २५ गतेसम्म र नेपाल दुरसञ्चार कम्पनीले चैत ११ गतेदेखि २३ गतेसम्म बुक क्लोज गरेसँगै बिहीवारसम्म कायम शेयरधनीले यी दुबै कम्पनीको साधारण सभामा भाग लिन र लाभांश पाउनेछन् ।

नेपाल दूरसञ्चार कम्पनीले गत आवको मुनाफाबाट शेयरधनीलाई कुल ४० प्रतिशत लाभांश वितरण गर्ने प्रस्ताव गरेको छ । कम्पनीले २० प्रतिशत बोनस शेयर र २० प्रतिशत नगद लाभांश करसहित गरेर कुल ४० प्रतिशत लाभांश वितरण गर्ने प्रस्ताव गरेको छ। उक्त प्रस्ताव पारित गर्नका लागि कम्पनीले चैत २४ गते साधारण सभा बोलाएको छ ।

सभा त्रिभुवन आर्मी अफिसर्स क्लब टुँडिखेल काठमाडौंमा दिनको ११ बजे साधारण सभा शुरु हुने छ ।

त्यसैगरी जीबन विकास लघुवित्तले शेयरधनीले गत आवको मुनाफबाट ७० प्रतिशत बोनस शेयर र ३ दशमलव ६८ ४२ प्रतिशत नगद लाभांश ९करसमेत० वितरण गर्ने प्रस्ताव गरेको छ । उक्त प्रस्ताव पारित गर्नका लागि कम्पनीले चैत २५ गते साधारण सभा गर्ने जानकारी दिएको छ ।

सभा कम्पनीको केन्द्रीय कार्यालय कटहरी २ मोरङगमा बिहान १०ः३० बजे शुरु गर्ने छ ।