ग्रीन भेन्चर्स कम्पनीको आईपीओमा २ करोड २७ लाख कित्ताको लागि पर्यो आवेदन

११ चैत, काठमाडौं । आईपीओ भर्ने अन्तिम दिन शुक्रबार साँझसम्म ग्रीन भेन्चर्स लिमिटेडको आईपीओ १८ लाख ७७ हजार बढीले भरेका छन् ।

सीडीएस एन्ड क्लियरिङ लिमिटेडका अनुसार शुक्रबार साँझ ४ः३९ बजेसम्ममा १८ लाख ७७ हजार १४७ जना आवेदकहरुले २ करोड २७ लाख कित्ताका लागि आवेदन दिएका छन् । ग्रीन भन्चर्सले मंगलबार चैत ८ गतेबाट सर्वसाधारणका लागि २८ लाख ७५ हजार कित्ता आइपीओ निष्कासन गरेको हो । जुन आईपीओमा आवेदन दिने आज चैत ११ गत अन्तिम दिन रहेको छ ।

कुल ३१ लाख २५ हजार कित्ता सेयरमध्ये ५ प्रतिशत अर्थात १ लाख ५६ हजार २५० कित्ता सामूहिक लगानी कोष र ३ प्रतिशत अर्थात ९३ हजार ७५० कित्ता शेयर कर्मचारीहरुका लागि छुट्याएर बाँकी शेयर सर्वसाधारणलाई जारी भएको हो । आईपीओको बिक्री प्रबन्धकमा लक्ष्मी क्यापिटल रहेको छ ।

रेटिङ एजेन्सी केयर रेटिङ नेपालले ग्रीन भेन्चर्सको आइपीओलाई औसत आधार जनाउने ‘कियर एनपी डबल बी’ रेटिङ दिएको थियो ।