आधा दर्जन कम्पनीको सर्किट लेबलमा कारोबार

१३ चैत, काठमाडौं । नेपाल स्टक एक्सचेञ्ज (नेप्से)मा आइतबार आधा दर्जन कम्पनीको सर्किट लेबलमा कारोबार भइरहेको छ ।

यस दिन करिब १ बजेको अवधिमा कारोबार भइरहेका ती इन्स्योरेन्स कम्पनीसहित ६ कम्पनीको शेयराूल्य अधिल्लो कारोबारको तुलनामा करिब १० प्रतिशतको दरले वृद्धिभएसँगै सर्किट लागेको हो ।

यस अवधिमा हालै आईपीओ जारी गरेका दुई कम्पनी इमर्जीङ नेपाल, राष्ट्र उत्थान लघुवित्तको शेयरमूल्य ९ दशमलव ९९ प्रतिशतले बढेको छ । त्यस्तै, शुक्रबार शेयरमूल्य समायोजन भएको जीवन विकास लघुवित्त र अन्य ती इन्स्योरेन्स कम्पनीको शेयराूल्य १० प्रतिशतले बढेको छ ।

यस दिन प्रभू इन्स्योरेन्स, जनरल इन्स्योरेन्स र सानिमा जनरल इन्स्योरेन्सको शेयरमा पनि सकारात्मक सर्किट लागेको हो । बीमा समितिले चुक्ता पूँजीको सीमा तोकेपछि हकप्रद शेयर निष्कासन गर्ने कम्पनीको खोजी गदै लगानीकर्ताको इन्स्योरेन्समा आकर्षण बढेको छ ।

यस अवधिमा नेप्से ६ दशमलव २१ अंकले घटेर २६ सय ७ विन्दुमा पुगेको छ भने करिब २ अर्ब ५ करोड भन्दा बढीको काराबार भएको छ ।