नेप्से २५७२ विन्दुमा झर्यो, इन्स्योरेन्समा देखियो भीड

१३ चैत, काठमाडौं । आइतबार नेप्सेमा दोहोरो अंकले गिरावट आएको छ । २६२३ विन्दुमा खुलेको बजार ४१ दशमलव ४३ अंकले घटेर २५७१ विन्दुमा झरेको हो ।

यस दिन सेन्सेटिभ इण्डेक्स ९.५५ अंक घटेको छ भने फ्लोट इण्डेक्स २.६६ अंक र सेन्सेटिभ फ्लोट इण्डेक्स २.५ अंक घटेको छ।

यस दिन नेप्से ओरालो लागेसँगै कारोबार रकम भने बढेको छ। अघिल्लो कारोबार दिन ३ अर्ब २४ करोडको शेयर खरिदबिक्री भएको नेप्सेमा यस दिन २३२ स्टकको ६२ हजार १६ पटकको कारोबारमा ४ अर्ब ९८ करोड रुपैयाँ कारोबार भएको छ।

आइतबार ४९ स्टकको मूल्य बढेको छ। जसमध्ये ६ स्टकको मूल्य सकारात्मक सर्किट लेभलमा कारोबार भएको छ। यस दिन राष्ट्र उत्थान लघुवित्त, जीवन विकास लघुवित्त, इमर्जिङ्ग नेपाल, सानिमा लाइफ, जनरल इन्स्योरेन्स र प्रभू इन्स्योरेन्सको शेयरमूल्य सकारात्मक सर्किट लेभलमा कारोबार भएको हो। यस दिन इमर्जिङ्ग नेपालको शेयरमूल्य ७६ रुपैयाँले बढेर ८३६ रुपैयाँमा अन्तिम कारोबार भएको छ भने राष्ट्र उत्थानको ८१ रुपैयाँले बढेर ९०१ रुपैयाँ र जीवन विकास लघुवित्तको ३०० रुपैयाँले बढेर ३३ सय रुपैयाँमा अन्तिम कारोबार भएको छ।

यस दिन १६६ स्टकको मूल्य घटेको छ तर गिरावट दर भने कम रहेको छ। यस दिन मल्टीप्रपर्स फाइनान्स, नारायणी डेभलपमेन्ट कम्पनी, नेरुडे लघुवित्त र मन्जुश्री फाइनान्सको शेयरमूल्य उच्च दरले घटेका छन्।

कारोबार रकमका आधारमा यस दिन अपी पावर कम्पनी शीर्ष स्थानमा रहेको छ। सो कम्पनीको यस दिन करिब २७ करोडको शेयर खरिदबिक्री भएको छ। त्यसैगरी, यस दिन गुँरास लाइफ इन्स्योरेन्सको १७ करोडभन्दा बढीको शेयर कारोबार भएको छ।