नयाँ सारथी लघुवित्तको शेयर खरिद गर्नेले बोनस खान पाउने, बुक क्लोज कहिले ?

१३ चैत, काठमाडौं । नयाँ सारथी लघुवित्त वित्तीय संस्थाले शेयर खरिद गर्नेले लाभांश पाउने भएका छन् । बैशाख २२ गतेसम्म शेयर खरिद गर्नेले लाभांश पाउने भएका हुन् । लघुवित्तले बैशाख २३ गते बुक क्लोज गदैछ । यद्दपी बुक क्लोजको अघिल्लो दिनसम्म शेयर खरिद गर्नेले लाभांश पाउनेछन् ।

वैशाख १० गते वार्षिक साधारण सभा गर्ने भएको छ । सभा कम्पनीको प्रधान कार्यालय धुलिखेल काभ्रेपलान्चोकमा दिउँसो ३ बजे सुरु हुनेछ । सभामा गत वर्षको नाफाबाट १९% बोनस शेयर र कर तिर्न १५ नगद लाभांश वितरण गर्ने मुख्य प्रस्ताव पेश हुनेछ ।

यस्तै, कम्पनीले एफपीओ निष्कासन गर्ने प्रस्ताव पनि पेश गर्दैछ । कम्पनीले २ लाख २९ हजार ६४९ कित्ता एफपीओ बिक्री गर्न धितोपत्र बोर्डसँग अनुमति मागिसको छ ।

कम्पनीले अंकित मूल्य १०० रुपैयाँमा १६ रुपैयाँ प्रिमियम जोडेर प्रतिकित्ता ११६ रुपैयाँमा एफपीओ बिक्री अनुमति मागेको हो । अब धितोपत्र बोर्डबाट अनुमति पाएपछि एफपीओ निष्कासनको थप प्रक्रिया अघि बढ्नेछ ।

यस्तै, अन्य कुनै लघुवित्तसँग मर्जर वा एक्विजिसनमा जानु परेमा सम्पूर्ण कामको अख्तियारी सञ्चालक समितिलाई दिने प्रस्ताव पनि रहेको छ । गत आर्थिक वर्षको वार्षिक प्रतिवेदन, नाफा–नोक्सान हिसाब तथा नगद प्रवाह विवरण पनि परित गर्ने एजेन्डा छ ।