जीवन तथा निर्जीवन बीमकको बैठक बस्दै

१४ चैत, काठमाडौं । बीमा समितिले एक वर्षभित्रै चुक्ता पूँजी वृद्धि गर्न दबाब दिएपछि जीवन तथा निर्जीवन बीमकहरुले बैठक बोलाएका छन् । समितिको सो निर्देशनपछि कसरी अघि बढ्ने सम्बन्धमा बीमा कम्पनीका संचालकहरुबीच संयुक्त रुपमा आज दिउँसो छलफल हुने भएको हो ।

बीमा समितिले गत बिहीबार जीवन बीमा कम्पनीलाई न्यूनतम चुक्ता पूँजी ५ अर्ब रुपैयाँ र निर्जीवन बीमा कम्पनीलाई २ अर्ब ५० करोड रुपैयाँ पुर्याउन निर्देशन दिएको थियो । सोही अनुरुप बीमा कम्पनीका संस्थापकहरुले संगठितरुपमै प्रतिक्रिया दिने भएका हुन् ।

समितिले एक महिनाभित्र पूँजी वृद्धि योजना पेश गर्न समेत निर्देशन दिएको छ ।