हालै आईपीओ जारी गरेको इमर्जिङ्ग नेपालको सर्वाधिक ७ करोड ९७ लाख बराबरको शेयर खरीदविक्री

१७ चैत, काठमाडौं । साताको अन्तिम कारोबार दिन बिहीवार इमर्जिङ्ग नेपालको सर्वाधिक शेयर खरीदविक्री भएको छ ।

उक्त अवधिसम्ममा कारोबारमा आएका २१३ धितोपत्रमध्ये उक्त कम्पनीको सर्वाधिक शेयर खरीदविक्री भएको हो । सो अवधिमा कम्पनीको ७ करोड ९७ लाख बराबरको शेयर खरीदविक्री भएको हो । कम्पनीको शेयरमूल्य प्रतिकित्ता १ हजार १८२ मा कारोबार भइरहेको छ ।

यो शेयरमूल्य अघिल्लो कारोबार दिनको तुलनामा भने ६ दशमलव १६ प्रतिशतले वृद्धि भएको हो । कम्पनीको शेयर धितोपत्रको दोस्रो बजारमा कारोबारमा आएको बिहीवार १८ औं दिन हो ।

कम्पनीको शेयर बुधवारसम्म सर्किट लेबलमा वृद्धि हुँदै आएको थियो । बिहीवार भने आईपीओ बिक्री गर्ने बढेसँगै सर्वाीधक शेयर खरिद बिक्री भएको हो ।