बलेफी हाईड्रोपावरले कति पाउला ओपनिङ रेञ्ज ?

२१ चैत, काठमाडौं ।बलेफी हाईड्रोपावरले सर्वसाधारण लगानीकर्ताको लागि चैत १६ गतेदेखि बिक्रीमा ल्याएको आईपीओमा आवेदन दिने चैत २१ गते अन्तिम दिन थियो । हाईड्रोपावरले बिक्रीमा ल्याएको आईपीओमा अन्तिम दिनसम्म साढे २२ लाख बढी जनाले आवेदन दिएका छन् ।  २२ लाख ६९ हजार ४१६ जना आवेदनले २ करोड ६२ लाख कित्ताको लागि आवेदन दिएका छन् ।

कम्पनीले निष्कासन गरेको कूल १८ लाख २७ हजार कित्ता मध्येमा सस्थाका कर्मचारी र सामुहिक लगानी कोषको लागि छुट्याएर बाँकी १६ लाख ६३ हजार ४५३ कित्ता सर्वसाधारण लगानीकर्ताको लागि निष्कासन गरेको आईपीओ नेपाल धितोपत्र बोर्डको निर्देशिका अनुसार गोलाप्रथा मार्फत बाँडफाँड हुँदा १ लाख ६६ हजार ३४५ जना आवेदनले आईपीओ हात पार्नेछन् ।

कति पाउला ओपनिङ रेञ्ज ?

नेप्सेले कम्पनीको पहिलो कारोबारका लागि प्रतिशेयर न्युनतम ९३ रूपैयाँ ६४ पैसादेखि अधिकतम २ सय ८० रुपैयाँ ९२ पैसासम्म ओपनिङ रेञ्ज निर्धारण गर्ने देखिन्छ ।

नेप्सेले हरेक कम्पनीको पहिलो कारोबारको लागि नेटवर्थको तीन गुणासम्म ओपनिङ रेञ्ज तोक्ने गर्दछ ।

कम्पनीको आर्थिक वर्ष २०७७/७८ को प्रतिशेयर नेटवर्थ ९३ रुपैयाँ ६४ पैसा रहेको छ । सोही नेटवर्थको ३ गुणा २८० रुपैयाँ ९२ पैसा हुन्छ ।