नेपाली कांग्रेसले गर्यो स्थानीय तह निर्वाचनपछि सबैभन्दा ठूलो पार्टीको दावी

२६ जेठ, काठमाडौं । नेपाली कांग्रेसले स्थानीय तह निर्वाचन २०७९ मा अफु पहिलो पार्टी बनेको दाबी गरेको छ । कांग्रेसले बिहीबार प्रतिवेदन सार्वजनिक गर्दै यस्तो दावी प्रस्तुत गरेको हो ।

कांग्रेस स्थानीय तह केन्द्रीय निर्वाचन परिचालन समितिअन्तर्गतको अनुगमन‚ मूल्यांकन तथा सुपरिवेक्षण उपसमितिले वडाध्यक्षको मतका आधारमा कांग्रेस नेपालको पहिलो पार्टी रहेको निष्कर्षसहितको प्रतिवेदन सार्वजनिक गरेको हो ।

बुधबार पार्टी सभापति शेरबहादुर देउवा र कांग्रेस स्थानीय तह केन्द्रीय निर्वाचन परिचालन समितिका संयोजक पूर्णबहादुर खड्कासमक्ष उपसमितिले निर्वाचन तथा यसको परिणामबारे विस्तृत अध्ययन प्रतिवेदन बुझाएको थियो ।

सोही प्रतिवेदन निर्वाचन प्रतिवेदन उपसमितिका संयोजक प्रदीप पौडेलले पत्रकार सम्मेलनमार्फत सार्वजनिक गरेका हुन् । कांग्रेसले आगामी प्रदेश र संघको निर्वाचनमा पनि आफुलाई ठूलो पार्टी बनाउने प्रयास जारिनै राख्ने जनाएको छ ।

यस्तो छ प्रतिवेदनको पूर्ण पाठः