दुई जना मानिसलाई खाएको बाघले डकार मार्न नपाउदै नियन्त्रणमा

◊ दीपक शर्मा

१ भदौ, बर्दिया । साउन २९ गते आफनो घर देखि करिब ५ सए मिटर टाढा रहेको जंगलमा गएका २ जना मानिसलाई खाएको नरभक्षी बाघलाई सुर्खेत भेरी गंगा ५ गेरुवानी मध्यवर्ती क्षेत्रको जंगलबाट नियन्त्रणमा लिइएको छ।

साउन २९ गते २ जना मानिसलाई खाएको बाघले राम्रोसंग डकार मार्न नपाउदै नियन्त्रणमा लिइएको छ । राष्ट्रिय प्रकृति संरक्षण कोष, बर्दिया र बाँके राष्ट्रिय निकुञ्ज, नेपाली सेना, नेपाल प्रहरीको टोलीले बुधबार बिहान डार्ट गरी सो बाघलाई नियन्त्रणमा लिएको बर्दिया राष्ट्रिय निकुञ्जका प्रमुख संरक्षण अधिकृत विष्णु श्रेष्ठले बताए ।

साउन २९ गते आइतबार बिहान ८ बजेको समयमा भेरीगंगा–५ गेरवानीका ४८ वर्षीया रामबहादुर चन्द र ६७ वर्षीया कवि वलीको आफ्नो घरदेखि करिब चार सयको मिटरमा पूर्वतर्फ पर्ने जंगलमा बाघको आक्रमणमा परी मृत्यु भएको थियो ।सो बाघलाई बाँके राष्ट्रीय निकुञ्जमा उचित व्यवस्थापन गरिने छ।

जिल्ला प्रशासनका कार्यालय सुर्खेतले एक सूचना जारी गर्दै रत्न राजमार्ग अन्तरर्गत कोहलपुर–सुर्खेत सडकखण्डमा रातको समयमा मोटरसाइकल चलाउनमा रोक लगाएको थियो ।