एक महिनामा सवा ११ अर्बको तेल नेपाल आयो

८ भदाै, काठमाडाैं । नेपालले एक महिनामा ११ अर्बभन्दा बढीको कच्चा तेल आयात गरेको छ । साउन महिनामा मात्र कूल ११ अर्ब २१ करोड ७५ लाख ७१ हजार रुपैयाँको पाँच करोड २८ लाख ६६ हजार २७५ लिटर कच्चा भटमास, पाम र सनफ्लावर तेल नेपाल भित्रिएको विभागको तथ्यांकमा उल्लेख छ ।

भन्सार विभागका अनुसार चालु आर्थिक वर्ष २०७९र८० को पहिलो महिना साउनमा उक्त मूल्य बराबरको कच्चा तेल नेपाल भित्रिएको हो ।जसमध्ये छ अर्ब १८ लाख ९९ हजार रुपैयाँका भटमासको तेल,चार अर्ब १६ करोड ३६ लाख ६८ हजार रुपैयाँको कच्चा पाम तेल र एक अर्ब ५ करोड २० लाख ३ हजार रुपैयाँको कच्चा सननफ्लावर तेल नेपाल भित्रिएको हो ।

नेपालमा कच्चा तेल अर्जेन्टिना,ब्राजिल, इटाली,पाराग्वे, अमेरिका,भियतनाम, इन्डोनेसिया,फिलिपिन्स, भारत,मलेसिया र युक्रेनबाट आउने गरेको छ । साउनमा नेपालमा सबैभन्दा बढी कच्चा मटमास र सनफ्लावर तेल अर्जेन्टिनाबाट आएको छ । सो समयमा अर्जेन्टिनाबाट चार अर्ब १८ करोड ६४ लाख ९१ हजार रुपैयाँका भटमास र सनफ्लावर तेल नेपालले आयात गरेको विभागले जनाएको छ ।