दाङमा गठबन्धन दल र एमालेको अवस्था, निर्वाचनमा बाजी कसले जित्ला ?

♦ दीपक शर्मा

९ भदौ, दाङ । दाङको क्षेत्र न २ बाट नेकपा माओवादीका उपाध्यक्ष कृष्णबहादुर महरा र नेकपा एमालेका महासचिव शङ्कर पोखरेलले निर्वाचन लडने भएपछि दाङका गल्ली चिया पसलमा एउटै विषयमा बहस छलफल हुने गर्दछ निर्वाचन कसले जित्ला । त्यसो त दुवै नेता परिचित नेताहरु हुन ।

कुनै वेला यी दुवै नेता एउटै पार्टिमा रहेका बेला महरा संघिय निर्वाचन लडेका थिए भने पोखरेल प्रदेशसभा सदस्यमा , पोखरेल मुख्यमत्री बन्न सफल भएका थिए भने महरा सभामुख , आफनै कर्मचारीको यौन कान्डमा मुछिएपछि सभामुख त्याग्नुपरेको महरालाई यसपटक गठबन्धनको साथ भएका कारण केहि सहज देखिएपनी निर्वाचन जित्न फलामको चिउरा चपाए सरह देखिने छ । एमाले दाङका प्रभावसाली नेताको रुपमा रहेका पोखरेललाई निर्वाचनमा पराजित गर्न नेकपा एकिकृत समाजवादीले एउटै जिल्ला दुइ जना आफना नेतालाई मन्त्री बनाएको छ ।

यसले गठबन्धनलाई सहयोग पुग्ने अपेक्षा गरिएको छ भने समाजवादीलाई आफनो सक्रियता र उपस्थिति बलियो बनाउने मौका पनि आएको छ । तर आफनै मत कम रहेको अवस्थामा माधन नेपालले एउटै जिल्ला दुई जनालाई मन्त्री बनाउदा पनि एमाले कमजोर नभएको नेकपा एमालेका नेताहरुको दावी छ।

३ वटा निर्वाचन क्षेत्र रहेको दाङमा आगामी संघ र प्रदेशको निर्वाचनमा कसले वाजी मार्ने हो भन्ने विषयमा दिनहु जसो छलफल हुने गर्दछ यस्ता छलफल गबन्धन तथा नेकपा एमालेका पार्टि विच पनि हुने गरेको छ । २०७९ सालमा भएको स्थानिय तहो निर्वाचनको कुरा गर्दा २ वटा उप महानगरपालिका , १ नगरपालिका र ७ वटा गाँउपालिका गरी जम्मा १० वटा स्थानिय तह रहेको दाङमा २ उपमहानगर पालिकामा नेकपा एमाले विजयी भएको छ भने नेपाली काग्रेसले १ नगरपालिका सहित ५ वटा स्थनिय तह र ३ वटा स्थानिय तह माओवादीले जितेका छन ।

स्थानिय नेतहरुका अनुसार संघिय र स्थानिय तहको निर्वाचन फरक हुने भएका कारण यस पटक गठबन्धनलाई जित निकाल्न सहज देखिएको छैन भने नेकपा एमाले पनि ढुक्क हुने अवस्था छैन । कुनै बेला महरा र पोखरेलले एउटै मोर्चाबाट चुनावी मैदानमा होमिएका उहाँहरूबीच अहिले भने कडा टक्कर हुने देखिएको छ । अहिलेको सत्तापक्ष गठबन्धनले पनि महराका लागि दाङ क्षेत्र नं २ माओवादी केन्द्रलाई दिने आकलन गरिएको छ ।

त्यस्तै शङ्कर पोखरेलले पनि दाङ क्षेत्र नं २ लाई राेजेका छन् । कांग्रेसबाट पार्टीका लुम्बिनी प्रदेश समितिका उपसभापति राजु खनाल, कमलकिशोर घिमिरे, खगराज पाण्डे, गोपालराज शर्मा, कमानसिंह भारती, भरत न्यौपानेलगायतले आकाङ्क्षा व्यक्त गरेका पाइएको छ । एमालेबाट पनि लक्ष्मण आचार्य, बलिभद्र राणा, टोपेन्द्र केसी, गिरीराज केसीले पनि आकाङ्क्षा देखाएका छन । गठबन्धनबाट दाङ २ मा माओवादीले पाएमा दाङ क्षेत्र नं १ मा नेकपा एकीकृत समाजवादी र दाङ क्षेत्र नं ३ मा कांग्रेसले दाबी गरेका छन् ।

क्षेत्र नं १ र ३ दुवैमा एकीकृत समाजवादीका सांसद छन् । तीमध्ये क्षेत्र नं १ बाट निर्वाचित एकीकृत समाजवादीका केन्द्रीय सदस्य मेटमणी चौधरी सहरी विकासमन्त्री छन भने क्षेत्र नं ३ बाट निर्वाचिन एकीकृत समाजवादीकै केन्द्रीय सदस्य हिराचन्द्र केसी स्वास्थ्य तथा जनसङ्ख्या राज्यमन्त्री छन । यी दुई क्षेत्रमध्ये चौधरीका लागि क्षेत्र नंं १ दिने गरी सहमति हुने र क्षेत्र नं ३ कांग्रेसलाई दिने गरी सहमति हुनसक्ने छलफल अघि बढेको छ । यदि क्षेत्र नं १ एकीकृत समाजवादीले पाएमा चौधरीमात्रै दाबेदार रहेका छन । त्यहाँ एकीकृत समाजवादीले पाएमा चौधरी पुनः सांसदको उम्मेवार बन्न सक्ने अवस्था रहेको छ ।

सोही क्षेत्रमा एमालेबाट केन्द्रीय सदस्य तथा सांसद शान्ता चौधरी, गङ्गा चौधरी र रेवतीरमण शर्माको दाबी रहेको छ । त्यो क्षेत्रबाट माओवादी केन्द्रबाट हालका लुम्बिनी प्रदेशका स्वास्थ्य, जनसङ्ख्या तथा परिवार कल्याणमन्त्री एवं पार्टीका केन्द्रीय सदस्य इन्द्रजित चौधरीको पनि दाबी छ भने कांग्रेसबाट पूर्वसांसद योगेन्द्र चौधरी, सुशीला चौधरी, दिवङ्गत नेता खुमबहादुर खड्काका छोरा अनुरागले पनि दाबी गर्नुभएको छ । त्यस्तै दाङ क्षेत्र नं ३ कांग्रेसले पाएको सन्दर्भमा दीपक गिरी बलियो दावेदार देखिन्छन् ।

पार्टीका केन्द्रीय सदस्य तथा पूर्वमन्त्रीसमेत रहेका गिरी यसअघिको निर्वाचनमा तत्कालीन एमालेका हिराचन्द्र केसीसँग पराजित भएका थिए । एमाले फुटेर एकीकृत समाजवादी भएपछि केसी सोही पार्टीबाट अहिले मन्त्रीसमेत बनिसकेका छन । यदि पाँचदलीय गठबन्धनबाट कांग्रेसले यो क्षेत्रमा टिकट पाए गिरीले पाउने सम्भावना देखिएको कांग्रेसका महाधिवेशन प्रतिनिधिको बुझाई छ । हालका लुम्बिनी प्रदेशका पर्यटन, ग्रामीण तथा सहरी विकासमन्त्री डिल्ली चौधरी र पार्टीका केन्द्रीय सदस्य गेहेन्द्र गिरीले पनि आकाङ्क्षा देखाएका छन ।

एमालेबाट तुलसीपुर उपमहानगरपालिकाका निवर्तमान नगरप्रमुख घनश्याम पाण्डे र निवर्तमान राष्ट्रियसभा सदस्य कोमल वलीले दाबी गरेका छन । नेकपा एकिकृत समाजवादीको आफनै मत कम रहेको अवस्थामा माधन नेपालले एउटै जिल्ला दुई जनालाई मन्त्री बनाएका हुन । तर पनि दाङमा गठबन्धनलाई नेकपा एमालले कडा टक्कर दिने देखिन्छ नेकपा एमालेका नेताहरुका अनुसार स्थानिय तहको नजितालाई हेर्ने हो भने एमालेको जित सुनिश्चित रहेको बताउछन । सरसर्ति हेर्दा गठबन्धन बलियो देखिएको छ दाङमा तर यसै भन्न नसकिने अवस्था पनि रहेको छ ।