सल्यानमा अटो दुर्घटना २ जना महिलाको मृत्यु, ५ जना घाइते

१४ भदौ, सल्यान । सल्यानमा अटोरिक्सा दुर्घटनामा परी दुई महिलाको मृत्यु भएको छ भने पाँच जना घाइते भएका छन् । सल्यान प्रहरीका अनुसार कालीमाटी गाँउपालिका वार्ड न १ लक्ष्मीपुरदेखि टोटाबाज जाँदै गरेको रा१ह २२१९ नम्बरको अटोरिक्सा शारदा नगरपालिका वडा नम्बर१० नयाँ बस्तीमा दुर्घटनामा परेको हो ।

दुर्घटनामा परी गम्भिर घाइते कालीमाटी गाउँपालिका वडा नम्बर १ लक्ष्मीपुरकी ३६ वर्षीया धनीकुमारी पुन र अन्दाजी ६० वर्षीया कमलाकुमारी पुनको मृत्यु भएको हो । दुवै जनाको जिल्ला अस्पताल पुर्याए लगतै मृत्यु भएको जिल्ला प्रहरी कार्यालय सल्यानका सूचना अधिकारी प्रहरी निरीक्षक सन्तोष खनालले जानकारी दिए ।

दुर्घटनामा २१ वर्षीया अमृता बबाल र उनका चार वर्षीय छोरा कृष्ण बबाल, मृतक धनीकुमारी पुनकी ६ वर्षीया छोरी अस्मिता पुन घाइते भएको जिल्ला प्रहरी प्रहरी निरीक्षक खनालले बताए ।