खाद्य सहायता जहाज युक्रेनबाट यमन प्रस्थान

१४ भदौ, काठमाडौं । संयुक्त राष्ट्रसङ्घीय निकायले विश्व खाद्य कार्यक्रम (डब्ल्यूएफपी)ले ३७ हजार मेट्रिक टन गहुँ बोकेको जहाज मङ्गलबार युक्रेनको युजन्हीको ब्ल्याक सी बन्दरगाहबाट यमनतर्फ प्रस्थान गरेको जनाएको छ । गत “फेब्रुअरीमा (रूस–युक्रेन) द्वन्द्व सुरु भएदेखि युक्रेनबाट भएको खाद्य सहायताको यो दोस्रो सामुद्रिक ढुवानी हो,“ विज्ञप्तिमा भनिएको छ ।

समाचार संस्था सिन्हवाले उक्त खाद्यले यमनका करिब ४० लाख मानिसलाई एक महिनाका लागि सहयोग उपलब्ध गराउने अपेक्षा गरिएको उल्लेख गरेको छ ।यमन सन् २०१४ को अन्त्यदेखि गृहयुद्धमा फसेको छ जसले देशको अर्थतन्त्र ध्वस्त भएको छ र लाखौँलाई भोकमरीमा धकेलिरहेको छ ।