माओवादी केन्द्र सत्तागठबन्धनबाट बाहिरिए एमालेले सरकार छाड्ने योगेश भट्टराईको संकेत

११ फागुन, काठमाडौं । नेकपा (एमाले)का सचिव योगेश भट्टराईले माओवादी केन्द्र अध्यक्ष समेत रहेका प्रधामन्त्री पुष्पकमल दाहाल ‘प्रचण्ड’ ७ दलीय सत्ता गठबन्धनबाट बाहिरिए एमालेले सरकार छाड्न सक्ने बताएका छन् ।

ााष्ट्रपति निर्वाचनका लागि सरकारमा रहेका दल र बाहिरका दलहरुबीच उम्मेदवार चयन र समर्थन जुटाउन राजधानीमा रस्साकस्सी चलिहरेको बेला सचिव भट्टराईले रुकुम पश्चिममा आज बिहान आयोजित पत्रकार भेटघाट कार्यक्रममा यस्तो कुरा बताएका हुन् ।

भट्टराईले आफूहरुले प्रस्ताव गरेकै उम्मेदवार राष्ट्रपतिमा निर्वाचित हुने दाबी गर्न छाडेनन् । उलेले अहिलेको सत्ता गठबन्धनमा प्रचण्ड पुस १० मा नियु्क्त हुँदा भएको सहमतिअनुसार राष्ट्रपति हुने बताए ।

प्रधानमन्त्री नियुक्तिका बेला सत्ता गठबन्धनमा प्रधानमन्त्री माओवादीलाई, राष्ट्रपति र सभामुख एमालेलाई दिने सहमति भएको समेत उनले खुलाए । प्रधानमन्त्री अहिलेका गठबन्धन छाडेर बाहिर जान सक्ने विषयबारे आफूले नसोचिनसकेको उनकाे भनाइ थियो ।