स्वास्थ्य व्यवसायीको लाइसेन्स परीक्षामा ५८ प्रतिशत फेल

१३ बैशाख, काठमाडौं । काठमाडौं । स्वास्थ्य व्यवसायीहरूको नाम दर्ता लाइसेन्स परीक्षामा ५८ प्रतिशत परीक्षर्थी अनुत्तीर्ण भएका छन् । नेपाल स्वास्थ्य व्यवसायी परिषद्ले बुधबार लिएको परीक्षामा स्नातकतर्फ ४३.२९ र स्नातकोत्तरतर्फ ३२.१८ प्रतिशत मात्रै उत्तीर्ण भएका हुन् । यो कुल संख्याको ४२ प्रतिशत हो ।  

स्नातकका १४ विषयमध्ये तीनवटामा शत प्रतिशत परीक्षार्थी अनुत्तीर्ण भएका छन् । स्नातकका १४ विषयको परीक्षामा ८५० मध्ये ३६८ जना मात्रै उत्तीर्ण भएका हुन् । यस्तै स्नातकोत्तरतर्फ १५ वटा विषयमध्ये पाँचवटामा शत प्रतिशत विद्यार्थी अनुत्तीर्ण भएका छन् । 

मास्टर्स इन फिजियोथेरापी (हेल्थ प्रमोसन एन्ड रिहाबिलिटेसन) को परीक्षामा सहभागी दुईमध्ये दुवै, पब्लिक हेल्थ इपिडिमियोलोजीमा एकमध्ये एकजना नै अनुत्तीर्ण भएका हुन् । दुवै तह गरी कुल ९३७ जना विद्यार्थी सहभागी भएकामा ३९६ जना मात्रै उत्तीर्ण भएको परिषद्को तथ्यांक छ ।