ट्याक्टरको ठक्करबाट घाइते भएका प्रहरी जवानको मृत्यु

५ भदौ, काठमाडौं । कैलालीमा ट्याक्टरको मोटरसाइकललाई ठक्कर दिँदा घाइते भएका प्रहरी जवान हेमराज साउदको उपचारका क्रममा मृत्यु भएको छ ।

गएको साउन १४ गते आइतवार साँझ पूर्वपश्चिम राजमार्गअन्तर्गत गोदावरी नगरपालिका–३ को चौकीडाँडामा साउन सवार सुपप्र ०१०११ प ७३२० नम्बरको मोटरसाइकललाई सुपप्र ०१ ००२ त ६४१९ नम्बरको ट्याक्टरले ठक्कर दिँदा उनी गम्भीरु घाइते भएका थिए । 

बझाङको तल्कोटका साउद अस्थायी प्रहरी पोष्ट राजपुर डोटीमा कार्यरत थिए । गम्भीर घाइते भएका उनलाई धनगढीस्थित मायामेट्रो अस्पतालमा उपचार गराइरहेका बेला सोमबार राति मृत्यु भएको हो । बिदा मनाउन धनगढी आउने क्रममा दुर्घटनामा परेका थिए ।