दावा छिरिङसँग परिवारकै सम्बन्ध देखिएपछि पूर्वउपराष्ट्रपतिका छोरा दिपेश पुन सीआईबीको निगरानीमा

१९ भदौ, काठमाडौं । नेपाल प्रहरीको केन्द्रीय अनुसन्धन ब्यूरो (सीआईबी) ले पूर्व उपराष्ट्रपतिका छोरा  दिपेश पुनमाथि सोधपुछ गरेको छ । सिनामंगलबाट पक्राउ परेको ६१ किलो सुन तस्करीमा कनेक्सन देखिएपछि सीआईबीले पूर्वउपराष्ट्रपति पुनका छोरा दिपेश पुनलाई सोधपुछ गरेको हो ।

मंगबार दिउँसो उनलाई बोलाएर सोधपुछ गरेको सीआईबीले जनाएको छ । सुन तस्करीमा जोडिएको चिनियाँ मूलका बेल्जियन नागरिक दावा छिरिङसँग पूर्वउपराष्ट्रपति परिवारको सम्पर्क सम्बन्ध सार्वजनिक रुपमा नै देखिएको भन्दै यो तस्करी प्रकरणमा सीआईबीले दिपेशलाई पनि अनुसन्धानको दायरामा ल्याएको हो । 

दावा छिरिङसँग दिपेशको व्यापारिक साझेदारी नै रहेको कतिपय रिपोर्टहरु आइरहेका छन् । छिरिङले रोल्पाकी अमला रोकामगरसँग विवाह गरेका छन् । त्यही सम्बन्धको आधारमा पुनको परिवार र छिरिङबीच उठबस छ । छिरिङसहित चिनियाँ टोलिलाई लिएर दिपेश गोसाइँकुण्डसम्मको हवाईयात्रामा गएको पनि सार्वजनिक भएको थियो ।