लमजुङ जिल्ला अस्पतालका चिकित्सकमाथि वडाध्यक्षद्वारा कुटपिट

१० असोज, काठमाडौं । लमजुङ जिल्ला अस्पतालका डाक्टर सन्दीप अधिकारीमाथि कुटपिट भएको छ । अधिकारीलाई बेसीशहर नगरपालिका वडा नं. ७ का वडा अध्यक्ष् ऋषि बस्नेतले कुटपिट गरेका हुन् । 

कुटपिट गर्ने बस्नेतलाई प्रहरीले पक्राउ गरिसकेको छ । सोमबार राति अस्पताल पुगेका बस्नेतले अधिकारीलाई कुटपिट गरेको पाइएको प्रहरीले जनाएको छ । बस्नेत आमालाई लिएर उपचार गर्न अस्पताल पुगेको र मापसे गरेका उनले चिकित्सक अधिकारीसँग विवाद झिकेर कुटपिट गरेको बताइन्छ । 

मंगलबार दुवै पक्षलाई राखेर छलफल गर्दा मिलापत्र हुन नसकेको र बस्नेतलाई कानून बमोजिम कारवाही प्रक्रियामा लैजान भएको प्रहरीले जनाएको छ ।