प्रसाईंलाई समर्थन गर्न तीनकुने पुगेका बीर गोर्खालीका संयाेजक भण्डारीसहित ७ जना पक्राउ

८ मंसिर, काठमाडौं । नेपाल प्रहरीले दुर्गा प्रसाईंको गणतन्त्र विरोधी अभियानलाई सघाउन तीनकुने पुगेका वीर गोर्खालीका संयोजक सौरभ भण्डारीसहित ७ जनालाई पक्राउ गरेको छ । यसअघि काठमाडौंका विभिन्न क्षेत्रबाट ५ जनालाई पक्राउ गरेको थियो ।   
 
स्थानीय प्रशासनको आदेश विपरीत तीनकुनेमा जम्मा भएका प्रसाईं समर्थक ७ जनालाई प्रहरीले पक्राउ गरी नजिकैको प्रहरी चौकीतर्फ लगेको छ । स्थानीय प्रशासनले तीनकुने क्षेत्रमा प्रसाई र उनका समर्थकलाई प्रदर्शन गर्न अनुमति दिएको छैन । प्रसाईंको समूहले बिहीबार बल्खुमा प्रदर्शन गरेको थियो । प्रदर्शन जारी रहने बताए पनि आज भीड जम्मा भएको छैन ।