चिसो छल्न बालेको आगोले ३ जना बालवालिका सहित ४ जनाको मृत्यु

♦ दीपक शर्मा 

४ मंसिर, बर्दिया । बर्दिया गुलरिया नगरपालिका ४ तुलापुर स्थित एक घरमा आगलागी हुँदा ४ जनाको मृत्यु भएको छ भने एक जना गम्भीर घाइते भएका छन । शुक्रबार राती ११ वजेतिर घरमा आगलागी हुँदा घरमा सुतिरहेका ४ जनाको मृत्यु भएको हो भरत चन्दको घरमा आगलागीमा परी  मृत्यु हुनेमा ७ वर्षिय कृषचन्द, १८ महिनाका बालक कार्तिक चन्द, ३६ वर्षिय राधा बुढा र १० वर्षीय बालक मानषि बुढाको मृत्यु भएको जिल्ला प्रहरी कार्यालय बर्दियाका प्रहरी नायव उपरीक्षक तुल्सिराम अर्यालले बताए । 

गम्भीर घाइते २७ वर्षीय करिस्मा चन्दको जिल्ला अस्पतालमा उपचार भैरहेको छ । प्रहरीले घटनाको अनुसन्धान भैरहेको जनाएको छ । स्थानियवासीका अनुसार घर बाहिर तसलामा आगो तापेको तसलासंगै आगोको गोल घरभित्र कोठामा ल्याइ राखेको घरमा सबै सुतेका बेला आगलागी भएको बताएका छन ।