प्रि–ओपन सेसनमा नेप्से २५.५५ अंकले बढ्यो

२५ मंसिर, काठमाडौं । साताको दोस्रो कारोबार दिन आइतबार प्रि–ओपन सेसनमा नेप्से परिसूचक दोहोरो अंकले बढेर बन्द भएको छ । 

आइतबार प्रि–ओपन सेसनमा नेप्से परिसूचक २५.५५ अंकले बढेर १९८९.५३ विन्दुमा पुगेर अडिएको छ । यो सेसनमा १७६ कम्पनीका ७०२ पटक भएको कारोबारमा ८५ हजार ५८४ कित्ता शेयर किनबेच हुँदा २ करोड ९१ लाख ७९ हजार ३३३ रुपैयाँको कारोबार भएको छ । 

यस सेसनमा १५६ कम्पनीको शेयर मूल्य बढ्दा ५ वटाको घटेको छ भने १३ वटा कम्पनीको शेयर मूल्य स्थिर रह्यो ।