माघी समारोहमा एमाले महासचिव पोखरेल बने ‘मदरे’, पत्नी शाक्य बनिन् ‘नचन्या’

मोहन गुरुङ

२७ पुस, दाङ । माघीको अवसर पारेर दाङ आएका नेकपा एमालेका महासचिव शंकर पोखरेल र उनकी पत्नी सुजाता शाक्य ‘मदरे’ र ‘नचन्या’ बनेर नाचेका छन् । दाङको घोराही उपमहानगरपालिका १६ मा आयोजित माघी मिलन समारोहमा महासचिव पोखरेल ‘मदरे’ र उनकी जीवनसाथी सुजाता शाक्य ‘नचन्या’ नाचेकी हुन् । 

महासचिव पोखरेलले कम्मर मादल भिरेर ‘मदरे’ बनेका थिए भने पत्नी शाक्य ‘नचन्या’ बनेकी थिइन् । साथै मघौटा नाचमा समेत पोखरेल दाम्पत्तिले मनोरञ्जन लिएका थिए । थारु भाषामा ‘मदरे’ भन्नाले मादल बजाउने व्यक्ति र ‘नचन्या’ भन्नाले नाच्ने भन्ने बुझिन्छ । पोखरेल दाम्पत्तिलाई मदेर र नचन्याको भूमिका नाचेको देख्न पाउँदा स्थानीय दंग परेका थिए । स्थानीयले उनीहरुसँग कार्यक्रममा सहभागि भई रमाइलो गरेका थिए ।