एति एयरलाइन्सबाट महरालाई काठमाडौं ल्याइयो

५ चैत्र, काठमाठौं । सुन तस्करी प्रकरणमा पक्राउ परेका माओवादी केन्द्रका उपाध्यक्ष एवं पुर्वसभामुख कृष्णबहादुर महरालाई भैरहवाबाट काठमाडौँ ल्याइएको छ । महरालाई सुन तस्करी प्रकरणको अनुसन्धानको क्रममा प्रहरीको केन्द्रीय अनुसन्धान ब्युरो सीआइबीले सोमबार बिहान पक्राउ गरेको हो । 

महरालाई यती एअरको जहाजमार्फत भैरहवाबाट काठमाडौँ ल्याइएको हो । काठमाडौंबाट रोल्पा जानका लागि भैरहवा विमानस्थल हुँदै माओवादी नेताको घरमा पुगेका उनलाई पक्राउ गरेको हो । रूपन्देही प्रहरी प्रवक्ता प्रहरी नायब उपरीक्षक मनोहर भट्टले भने प्रहरीको निगरानीपछि महराले काठमाडौं फर्किने चाहेको र विमानबाटै काठमाडौं पठाइएको बताए ।