बस्न सकेन कार्यव्यवस्था पराशर्म समितिको बैठक

७ जेठ, काठमाडौं । सभामुख देवराज घिमिरेले बोलाएको कार्य व्यवस्था परामर्श समितिको बैठक प्रभावित भएको छ । नेपाली कांग्रेसका प्रतिनिधि संसदीय दलको बैठक भएका कारण उपस्थित नभएपछि  कार्य व्यवस्था परामर्श समितिको बैठक बस्न सकेन । 

संसद बैठकको कार्यसूची तय गर्न सभामुख देवराज घिमिरेले आज बिहान १० बजे कार्यव्यवस्थाको बैठक बोलाएका थिए । तर कांग्रेसबाट प्रतिनिधित्व गर्ने सांसदहरू बैठकमा नआएपछि कार्यव्यवस्थाको बैठक बस्न नसकेको हो । कांग्रेसको संसदीय दलको बैठक लम्बिएको छ । 

आजको प्रतिनिधि सभाको बैठकमा प्रधानमन्त्री पुष्पकमल दाहाल प्रचण्डले विश्वासको मत लिने तयारी गरेका छन् । कांग्रेसले सहकारीको रकम हिनामिना प्रकरणमा मुछिएका उपप्रधानमन्त्री एवं गृहमन्त्री रवि लामिछाने उपर छानबिन गर्न संसदीय समिति गठन नभए संसद अवरोध गर्ने चेतावनी दिएको छ ।