सर्वोच्चको पत्रपछि सांसद देवकोटाले पाए बैठकमा प्रवेश

१४ असार, पोखरा । गण्डकी प्रदेशका सांसद फणीन्द्र देवकोटालाई शुक्रबारको प्रदेशसभा बैठकमा प्रवेश दिइएको छ । बिहीबार सभामुख कृष्ण धितालले प्रक्रिया नपुगेको भन्दै प्रदेशसभा बैठकमा प्रवेश गर्न दिएका थिएनन् । मुख्यमन्त्रीलाई विश्वासको मत दिँदा ह्वीप उल्लंघन गरेको भन्दै माओवादीले कारवाही गर्दै सांसदबाटै पदमुक्त गर्न सभामुखलाई पत्र काटेपछि उनी पदमुक्त भएका थिए । 

उनको पद थमौती भएको पत्र संसद् सचिवालयमा दर्ता भएपनि सभामुखले सर्वोच्चको पत्रबारे सभालाई बिहीबार जानकारी गराएनन् । सबैतिर आलोचना भएपछि शुक्रबारको बैठकमा उनलाई प्रवेश दिइएको हो । शुक्रबारको बैठकमा सभामुखले सर्वोच्चबाट प्राप्त पत्र पढेर सुनाएका थिए ।