सुदूरपश्चिम प्रदेशका मुख्यमन्त्री सोडारीलाई राजीनामा दिन तीन दलको दवाव
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
असार २९, २०८१ शनिबार १५:३९:५५
![](https://nepalbahas.prixacdn.net/media/albums/Dirgha-sodari_j2uYeF2u8q_toJgtUo4rl.jpg)
२९ असार, सुदूरपश्चिम । तीन दलले सुदूरपश्चिम प्रदेशका मुख्यमन्त्री दीर्घबहादुर सोडारीलाई पदबाट राजीनामा दिन दवाव दिएका छन् । नेपाली कांग्रेस, नेकपा एमाले र नागरिक उन्मुक्ति पार्टीले संयुक्त रुपमा मुख्यमन्त्रीबाट राजीनामा दिन दवाव दिएका हुन् ।
शनिबार धनगढीमा आयोजित पत्रकार सम्मेलनमा प्रदेशसभामा मुख्यमन्त्री अल्पमतमा परिसकेकाले तत्काल पदबाट राजीनामा दिन तीन दलका संसदीय दलका नेताले संयुक्त माग गरेका हुन् । पत्रकार सम्मेलनमा कांग्रेस संसदीय दलका नेता कमलबहादुर शाहले मुख्यमन्त्रीले तत्काल राजीनामा दिँदा नयाँ सरकार गठन र बजेट ल्याउन सहज हुने बताए ।
अल्पमतमा परिसकेपछि मुख्यमन्त्रीले पद ओगटेर बस्नु उचित हुँदैन भन्दै एमाले संसदीय दलका उपनेता सन्तोष थापा शर्मा, नागरिक उन्मुक्ति पार्टीका नेता घनश्याम चौधरीले मुख्यमन्त्रीलाई राजीनामा गर्न आग्रह गरे । संघमा नयाँ सत्ता समीकरण परिवर्तन भएसँगै एमाले प्रदेशका मुख्यमन्त्री सोडारीलाई दिएको समर्थन यही असार २३ गते फिर्ता लिएको थियो ।
एमालेले समर्थन फिर्ता लिँदै पार्टीका तर्फबाट सरकारमा सहभागी मन्त्रीलाई फिर्ता बोलाएपछि मुख्यमन्त्री अल्पमतमा परेका छन् । एमालेले सरकारबाट बाहिरिएसँगै सरकारले आगामी आर्थिक वर्ष २०८१÷८२ का लागि ल्याएको बजेट पारित हुने वा नहुने भन्नेमा अन्योल देखिएको छ । बजेट माथिको छलफल प्रदेशसभामा अझै सुरु हुन सकेको छैन ।
नयाँ गठन हुने सरकारले सोडारी नेतृत्वको सरकारले ल्याएको बजेट पारित नगरेर अध्यादेशमार्फत अर्को बजेट ल्याउने तयारी गरेको कांग्रेसका प्रमुख सचेतक विक्रमसिंह धाँमीले बताए । प्रदेश सरकार गठनका लागि २७ सदस्यको बहुमत आवश्यक हुन्छ । त्रिपन्न सदस्यीय प्रदेशसभामा कांग्रेसका १८, नेकपा माओवादीका सभामुखबाहेक १०, एमालेका ११, नागरिक उन्मुक्ति पार्टीका सात, नेकपा एकीकृत समाजवादीका चार, राप्रपाको एक र एक स्वतन्त्र सदस्य छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसुदूरपश्चिम प्रदेशसभाको अधिवेशन अन्त्य
साउन २३, २०८१ बुधबार
सुदूरपश्चिमका मुख्यमन्त्री शाहले लिए शपथ, ९ सदस्यीय मन्त्रिपरिषद गठन
साउन २१, २०८१ सोमबार
सुदूरपश्चिमको मुख्यमन्त्रीमा कांग्रेसका शाह नियुक्त
साउन २०, २०८१ आइतबार
जनप्रतिनिधि तथा कर्मचारीकै मिलेमतोमा खानेपानीको नाममा ब्रहमलुट
नेपालबहस संवाददाता
साउन २३, २०८१ बुधबार
जुन घर सुरक्षित छ भनेर जम्मा भए, त्यही घरलाई नै पहिरोले लग्यो...
नेपालबहस संवाददाता
साउन २२, २०८१ मंगलबार
कुलमानले आज पत्रकार सम्मेलन गर्दै
साउन २५, २०८१ शुक्रबार
बंगलादेशमा हसिनालाई सत्ताच्युत गरेर ‘मन्त्री’ बनेका २ विद्यार्थी बारेमा जान्नुहोस् !
साउन २५, २०८१ शुक्रबार
रुसमा युद्धका क्रममा मृत्यु भएका पाँच नेपालीको अस्तुधातु परिवारलाई हस्तान्तरण
साउन २४, २०८१ बिहिबार
चाँगुनारायणसँगै विभिन्न मन्दिरमा नागपञ्चमी मेला
साउन २५, २०८१ शुक्रबार
टीआरसी विधेयक मंगलबार संसद बैठकमा पेस गरिने
साउन २५, २०८१ शुक्रबार
जङ्गली रातो च्याउको माग शहरदेखि विदेशसम्म !
साउन २५, २०८१ शुक्रबार
कारागार पुगेका किशोरलाई लक्षित गर्दै जर्बजस्ती करणीसम्बन्धी ऐन संसोधन गर्ने तयारीमा सरकार
साउन २५, २०८१ शुक्रबार
खोला पार गर्दै गरेका चौँरी
साउन २५, २०८१ शुक्रबार
लम्पी स्किन रोग विरुद्धको खोप
साउन २५, २०८१ शुक्रबार