मूल्य उच्च भएकाले धनतेसरमा गत वर्षको भन्दा ३० किलो कम बिक्री भयो सुन

१४ कात्तिक, काठमाडौं । नेपाली बजारमा सुनको भाउ उच्च विन्दुमा पुगेको छ । मंगलबार धनतेसरका दिन तोलाको १ लाख साढे ६८ हजारमा कारोबार भएको थियो । नेपाल सुनचाँदी व्यवसायी महासंघका अनुसार यो दिन गत वर्षको भन्दा ३० किलो सुन कम बिक्री भयो ।

गत वर्षको धनतेसरका दिन दिन ७० किलो सुन बिक्री भएको थियो भने यो वर्ष ५० किलो बिक्री भएको अनुमान छ, तर, देशभरीको विवरण आइसेकेो छैन् । महासंघका अनुसार मूल्य बढेकाले सुनका गरगहना खरिद गर्ने ग्राहको संख्या अध्याधिक घटेको छ भने सुनका ढिल्ला किन्नेहरु केहिमात्रामा देखिएका छन् ।

अहिले गहना अत्यावश्यक कामका लागि मात्र बिक्री हुन थालेको छन भने लगानी सुरक्षित गर्न पैसा हुनेले ढिक्का खरिद गर्न गरेका छन् । मंगलबार हिजो सबैभन्दा धेरै सुन बिक्री हुने दिन हो । तर, ५ ग्राम र २५० ग्रामको सिक्का किन्ने धेरै आए । नेपाल राष्ट्र बैंकले सुनका असर्फी बिक्री गरेपनि पर्याप्त थिएन । असर्फी नपाएपछि धेरैले सुनका ढिक्का किने ।

नेपाल सुनचाँदी व्यवसायी महासंघले यसपालि गहनाभन्दा ढिक्का सुनको माग बढेको बताएको छ । सोमबारको तुलनामा मंगलबार व्यापारमा सुधार आए पनि विगतको जस्तो हुन सकेन् । विगतका वर्षमा १० हजार किलोसम्म चाँदी बिक्री हुन्थ्यो । गत वर्ष धनतेरसमा १८ सय किलो बिक्री भएको थियो । मंगलबार करिब १२ सय किलो मात्रै बिक्री भएको महासंघले जनाएको छ । धनतेरसको दिनमा सुनचाँदीका गहना, सिक्का खरिद गरेर लक्ष्मीपूजाको दिनमा पूजा गर्दा लक्ष्मी भित्रिने मान्यता छ ।

धनतेरसको दिनमा खरिद गरिएको गहना, सिक्का, मूर्तिलगायतको वस्तु लक्ष्मीपूजाको दिनमा पूजा गरिन्छ ।  
महासंघका अनुसार अहिले सुनको दैनिक कोटा २० किलो हो । तिहारकै लागि सोमबार भने १६ किलो सुन आयात भएको थिए । बाँकी मौज्दातको सुन बिक्री भयो ।  अहिले भारतमाभन्दा नेपालमा सुन महंगो छ ।