वीरगञ्जबाट १०६ बोरा केराउ बरामद

जनकपुर । वीरगञ्ज प्रहरीले अवैध केराउ बरामद गरेको छ । वीरगञ्ज महानगरपालिका–१७ अलौबाट ५० किलो दरले १०६ बोरा केराउ प्रहरीले बरामद गरेको छ ।

तस्करले भंसार छलेर चोरी निकासी गरि नेपालबाट भारत तर्फ केराउ निकासी गरेको सूचनाको आधारमा वडा प्रहरी कार्यालय श्रीपुर पर्सा र जिल्ला प्रहरी कार्यालय पर्साबाट खटेको प्रहरी टोलीले नियन्त्रणमा लिएको हो ।

वीरगञ्ज महानगरपालिका १७ अलौमा १५–१६ जनाको समूहले टाउकोमा बोकेर केराउ भारत तर्फ लैजाँदै गरेको अवस्थामा प्रहरीले बरामद गरि आवश्यक कारवाहीका लागि वीरगञ्ज भन्सारमा पठाएको प्रदेश प्रहरी कार्यालय जनकपुरले जनाएको छ ।

प्रहरीलाई देखेपछि तस्करहरु सामान छाडेर भागेका थिए ।