शिवालय माविका विद्यार्थीलाई विदेशी नागरिकको सहयोग
नेपालबहस संवाददाता
मंसिर २९, २०८० शुक्रबार १५:४:४९
२ मंसिर, पोखरा । कास्कीको रूपा गाउँपालिका–२, थुम्कीस्थित शिवालय माविका विद्यार्थीलाई विदेशी नागरिकले बिहिबार शैक्षिक तथा खेलकुद सामग्री वितरण गरेका छन् ।
स्थानीय समाजसेवी तथा विद्यालयका पूर्व विद्यार्थी कमलकृष्ण ओझाको विशेष पहलमा सिङ्गापुरका नागरिकले विद्यालयका लागि शैक्षिक सामग्रीसहित विद्यार्थीका लागि स्टेसनरी वितरण गरेका हुन् ।
माइकल हु, एमएस अमान्डा टान, हु स्विट फार, वाइकाम हुवा, लिम, एमएस सुनिता शिवनन्थन, वि चुङलगायतले विद्यालयलाई सहयोग गरेका हुन् । उनीहरूले सिङ्गापुरकै विद्यालय बुकिट भ्यु विद्यालयले तयार पारेको शैक्षिक सामग्री पनि विद्यालयका प्रधानाध्यापक रुपिन्द्र प्रभावी र विद्यालय व्यवस्थापन समितिका अध्यक्ष धनपति ओझालाई हस्तान्तरण गरेका थिए ।
उनीहरूले करिब १ लाख ५० हजार रुपियाँ बराबरको सामग्री विद्यालयलाई हस्तान्तरण गरे । माइकल हुले गत वर्ष पनि विद्यार्थीहरूका लागि शैक्षिक सामग्री उपलबध गराएका थिए ।
विद्यालय व्यवस्थापन समितिका अध्यक्ष धनपति ओझाको अध्यक्षतामा भएको सहयोगी विदेशी नागरिकहरूको सम्मानमा आयोजित कार्यक्रममा रूपा गाउँपालिका, वडा नं। २ का वडा अध्यक्ष राजन सुवेदीले केही समयअघि आफूले भ्रमण गरेको सिङ्गापुरको विकासको मोडलबाट सिकेर स्मार्ट भिलेजको अवधारणाअनुसार वडा नम्बर २ लाई विकास गर्ने कार्यमा अघि बढेको जानकारी दिए । शिक्षालाई प्राथमिकतामा राख्दै वडावासीको सुविधालाई ध्यानमा राखेर कार्य गरिरहेको सुवेदीको भनाइ थियो ।
विद्यालयका प्रधानाध्यापक रुपिन्द्र प्रभावी जोशीले सरकारी निकायहरूको सहयोगमा विद्यालयलाई प्रविधिमैत्री बनाइएको जानकारी दिँदै गैरसरकारी संस्था र व्यक्तिको सहयोगमा थप विकास गरिएको बताए । विद्यार्थीको हितका लागि सहयोगले लिएर आउने जुनसुकै संस्था वा व्यक्तिलाई पनि विद्यालयले सधैँ उच्च सम्मान गरेको उनको भनाइ थियो ।
कार्यक्रमको संयोजन गरेका पूर्व विद्यार्थी कमलकृष्ण ओझाले आफू पढेको विद्यालयमा विदेशी नागरिकहरूलाई ल्याएर सहयोग गर्न पाउँदा निकै हर्ष लागेको भन्दै आगामी दिनमा पनि थप सहयोगको पहल गर्ने प्रतिबद्धता जनाए ।
सहयोगीहरूका तर्फबाट माइक हुले आफू विद्यालयका गतिविधिबाट निकै प्रभावित भएको बताए । उनले गत वर्ष पनि आफू आउने प्रयास गरे पनि कोभिडका कारण उपस्थित हुन नसके पनि सामग्री पठाएको स्मरण गर्दै आगामी दिनमा पनि सहयोग गर्ने बताए ।
अङ्ग्रेजी विभागका प्रमुख बुद्धिराम विश्वकर्माको सञ्चालन तथा कक्षा १० की छात्रा कुसुम सुवेदीको स्वागतमा भएको कार्यक्रममा विद्यार्थीहरूले सांस्कृतिक कार्यक्रम पनि प्रस्तुत गरेका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपप्लाष्टिकजन्य निषेधित वस्तु प्रयोगमा रोक लगाउने तयारी
बैशाख ३१, २०८१ सोमबार
बुल्दीखोलाको स्वरुप फर्काउने प्रयास
बैशाख ३०, २०८१ आइतबार
गण्डकीको रिट न्यायाधीश अब्दुल अजीजको इजलासमा
बैशाख २८, २०८१ शुक्रबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
उदघाटन गरेको ९ दिन नपुग्दै हावाले भत्कायो इलाका प्रहरी कार्यालय जयनगरको पर्खाल
बैशाख ३१, २०८१ सोमबार
मधेशमा नयाँ सरकार गठनका लागि आज ४ दलले एमालेको नेतृत्वमा दाबी पेश गर्दै
बैशाख ३१, २०८१ सोमबार
सरकारलाई दिएको समर्थन फिर्ता लिने जसपा नेपालको निर्णय
बैशाख ३०, २०८१ आइतबार
संसदको गतिरोध अन्त्यबारे छलफल गर्न सत्ता पक्षका तीन नेता सिंहदरबारमा
बैशाख ३१, २०८१ सोमबार
सतर्कताले अख्तियारलाई बुझायो प्रतिवेदन, सम्पति विवरण नबुझाउनेको संख्या ६ हजार ७०५
बैशाख ३१, २०८१ सोमबार
सन् २०२४ मा अस्ट्रेलियाको मुद्रास्फीति तीन प्रतिशतभन्दा कम हुने अनुमान
बैशाख ३१, २०८१ सोमबार
सत्ता गठबन्धन फेरिन सक्छः नेपाल
बैशाख ३१, २०८१ सोमबार
टर्की पठाउने भन्दै ४ करोड ३४ लाख रूपैयाँ ठगी गर्ने पक्राउ
बैशाख ३१, २०८१ सोमबार
देउवा र लामिछानेलाई सभामुखले भनेः आजै मिल्नुस
बैशाख ३१, २०८१ सोमबार