वर्षाले खेल रद्द भएसँगै गुजरात प्लेअफबाट बाहिरियो

१ जेठ, काठमाडौं । इण्डियन प्रिमियर लिग (आइपिएल) मा गएराति वर्षाले अवरोध गरेपछि गुजरात टाइटन्स र कोलकाता नाइट राइडर्स बीचको खेल रद्द भएको छ ।

अहमदाबादमा लगातार बर्षा भएपछि खेल रद्द हुँदा दुवै टिमले एक एक अंक बाँडेका छन् ।

यो खेल रद्द भएसँगै गुजरात प्लेअफको दौडबाट बाहिरिएको छ । १३ खेलमा ११ अंक रहेको गुजरातले अब आफ्नो अन्तिम खेल जिते पनि प्लेअफमा पुग्ने छैन ।

गुजरातले आफ्नो अन्तिम खेल आगामी बिहिबार सनराइजर्स हैदरावादसँग खेल्ने छ ।

त्यस्तै कोलकाता नाइट राइडर्सको भने १३ खेलमा १९ अंक भएको छ र शीर्ष स्थानमा रहेको छ । कोलकाताले अब आफ्नो अन्तिम खेल आगामी आइतबार राजस्थान रोयलसँग खेल्ने छ ।