एमाले बागमतीको प्रथम अधिवेशन रोबोर्टबाट उद्घाटन

८ असोज, काठमाडौं । नेकपा (एमाले)को बागमती प्रदेशको उद्घाटन रोबोर्टबाट गरिएको छ । सोमबार भृकुटीमण्डपमा सुरु भएको उद्घाटन सत्रमा पार्टी अध्यक्ष केपी शर्मा ओलीले रिमोटको सहायताले रोबोर्टबाट अधिवेशनको लोगो र पार्टीकाे झण्डा ड्रोनमा उडाएर उद्घाटन गरेका छन् । साथै अध्यक्ष ओलीले द्वीप प्रज्वलन पनि रिमोटबाट गरेका छन् । 

उद्घाटन सत्रमा खेलाडीहरुले खेला कला प्रदर्शन गरेका छन् । अधिवेशनको बन्दसत्र भोलि कमलादीस्थित प्रज्ञा भवनमा हुनेछ आयोजकले जनाएको छ । अधिवेशनले प्रदेशको नयाँ नेतृत्व चयन गर्नेछ । सहमतिबाट नेतृत्व चयन गर्ने संभावना न्यून बन्दै गएको नेताहरुले बताएका छन् । यसअघि एमालेको लुम्बिनी प्रदेश नेतृत्व चयन मतदानबाटै गरिएको थियो ।