चर्पीतिर जाने माहुरीहरु !
भुवनेश्वर अर्याल
कात्तिक ६, २०८१ मंगलबार १६:१४:१९
स्वास्नी र छोराछोरी छन्, पेट छ, माटोपानीको शरीरका थुप्रै आवश्यकताहरु छन् । कृषि, उद्योग या अरु कुनै इलममा जोडिएको छैन तर उसैले जीवनभर राजनीति गर्छ । नेपालमा भ्रष्टाचारको मूलकारण यहीँ हो । सबै पुराना दल र तिनका नेताहरूले आफ्ना व्यक्तिगत आवश्यकता पूरा गर्न सिङ्गो सिस्टमलाई नै भ्रष्ट बनाए ।
एक पटक विचार गरौं त ? किन स्व.सुशील कोइराला, स्व.कृष्णप्रसाद भट्टराईलाई कुनै पनि प्रकारको भ्रष्टाचारले छोएन ? वहाँहरुको व्यक्तिगत आवश्यकता कम थिए । काम, क्रोध र लोभबाट मुक्त भएकैले वहाँहरुले निष्ठाको राजनीति गर्नु भो ।
नेपाल सधैं भ्रष्टाचारले आक्रान्त छ । राणा, राजा, पञ्चायत, संसदिय व्यवस्था या गणतन्त्र कालका हाम्रा शासकहरुको मूलभूत उद्देश्य राज्यकोष लुट्नुमै केन्द्रित रहेको छ । तिनका अपराधहरू सार्वजनिक नभएका होइनन् तर पनि अपराधीहरूले बिरलै सजाय पाएका छन् । सम्बद्ध निकायहरूले पनि भ्रष्टाचारीलाई कारबाही गर्नुको सट्टा व्यक्ति विशेषलाई सिध्याउनका मात्र प्रयोग गरेको कसैबाट लुकेको छैन ।
सहकारीको रकम अपचलनमा दलीय लुटतन्त्र कसरी जन्मियो ?
हामी विधि र पद्धतिमा कहिल्यै गएनौँ । आम नागरिक पनि कुनै न कुनै रुपमा दलीय लुटतन्त्रका सहयोगी बन्न पुग्यौं । हामी कांग्रेस भयौँ, एमाले, राप्रपा, माओवादी, मधेशवादी भयौँ । दलित, जनजाति, क्षेत्री, बाहुन, मंगोल, पहाडे, मधिसे हुन जान्यौँ तर असल नागरिक हुन जानेनौ । हामी देशभित्र एकता कायम गर्ने भन्दा छिन्नभिन्न भयौँ । हामी फुटालियौँ, सानातिना स्वार्थले अन्धा भयौँ, जसको कारण दलीय लुटतन्त्र मौलायो ।
ठूला दलले बाहिर लड्ने भित्रभित्रै मिलेर लुट्ने नीति लिए
एकपटक विचार गरौं त ! जति पनि ठूला भ्रष्टाचारका काण्डहरू भए, ती सबैमा ठूला दलहरू संलग्न छन् । या त लुटेको रकमको बाँडफाँड भएको छ । उदाहरणको लागि बुढी गण्डकीमा भएको कमिशन काण्ड , गिरीबन्धु चिया बगानको काण्ड, ललितानिवास काण्ड, भुटानी शरणार्थी काण्ड ।
सबैमा ठूला दलको लेनदेन र मेलमिलाप छ । अझ ललितानिवास काण्डमा त मन्त्रिपरिषदले निर्णय गरेर सरकारी जग्गा व्यक्तिको नाममा गएको छ जुन अवैधानिक ठहर भइसक्यो । नीतिगत निर्णय गर्ने नेताहरु स्वच्छन्द घुमेर उनीहरुको निर्णय कार्यान्वयन गर्ने कारिन्दो कर्मचारीहरू मात्र फस्नु पर्ने ?
यस्तै अवस्था भुटानी शरणार्थी काण्डमा पनि छ । कांग्रेस, एमालेका त कुरा नगरौँ । हजारौं मान्छेले बलिदान गरेको आन्दोलनको अग्रमोर्चा सम्हालेर पटकपटक महत्वपूर्ण मन्त्रालय सम्हालेका टोपबहादुर रायमाझी कसरी लोभिए ? किन जनताका छोराछोरीलाई शरणार्थी बनाएर बेच्न तम्सिए ? यसको मुख्य कारण राजनीतिमा निष्ठा शून्य हुनु हो ।
अझ भनौं हामीले मुलुकमा जे गर्दा पनि हुन्छ भन्ने स्वेच्छाचारिताको कारण हो । पूर्वउपप्रधानमन्त्री तथा गृहमन्त्री बालकृष्ण खाँण एउटै काण्डका मुख्य नायक बाहिर हुने ? टोपबहादुर जेल भित्र ? यो लोकतन्त्रको भद्दा उपहास हो । जुन सचिवलाई सेटिङमा संलग्न गराएर आफूले जुन जुन मन्त्रालय सम्हालेको छ उतै उतै सरुवा गरियो अहिले उसैलाई मात्र कानुन लाग्ने ? भ्रष्ट, तस्कर, अपराधी भएर मात्र ठूला पार्टीमा स्थान बनाउने योग्यता प्राप्त हुने हुनाले यस्ता कुराहरू सामान्य भए ।
मीनबहादुरले ओलीलाई दिएको १० रोपनी १४ आना जग्गा ठूला दलहरूले लिँदै आएको कालो धनकै निरन्तरता हो । जसरी एनसेलले तिर्नुपर्ने अर्बौं कर होस या उद्योगीहरुले नतिरेको विद्युत महसुल उनीहरुले सबै पार्टीको
नेताहरूलाई मुख बुझो लगाएर बलिया भएका त हुन् ।
नागरिक माथि सधैं कुठाराघात !
हामीले स्कुल पढ्ने बेला भनियो, राजा र उनको परिवारले देशको सबै धन विदेशमा थुपारेर राखेको हुनाले विकास भएन । त्यसो भन्ने नेताहरूले आफ्नो पालामा झन ठूला भ्रष्टाचार गरे । बहुदलीय प्रजातन्त्र भएका मुलुकमा सत्ताधारी दलले राम्रो नगर्दा नागरिकले प्रतिपक्षलाई साथ दिन्छन् र अलोकप्रिय शासन ढल्छ ।
हिजो गलत गर्नेहरूलाई कानुन बमोजिम कारबाहीका प्रक्रियाहरू हुन्छन् । तर हामीले हेरिरहेका छौं, मुलुकलाई खर्ब ऋण लगाएर आफ्ना सेवा र सुविधाका लागि मात्र गरिरहेका छन् नेताहरु ! हुँदा हुँदा हामीले यस्तो देख्न थाल्यौँ फरक सिद्धान्त, फरक उद्देश्य र फरक घोषणापत्रमा चुनाव लडेर आएकाहरु सत्ताको निमित्त आफ्ना आदर्श र नागरिकसँग गरेका कमिटमेन्ट सबै बिर्सिए ।
माहुरी हौं भन्नेहरू झिङ्गा निस्किए
पुराना दलहरूले पूर्व पञ्च र दरबारियाहरुकै अनुशरण गरे । मुलुकलाई समृद्धिको शिखरमा पुर्याउने नारासहित हजारौंको बलिदान पश्चात् आएको माओवादी सत्ताको चास्नीमा यति नराम्रो डुब्यो कि उक्त पार्टीका नेताहरूले चर्पीलाई बगैँचा देख्न थाले । एक दुई बाहेक सत्तामा पुगेका र सत्ता नजिक पुगेका माओवादीहरू भ्रष्टाचार, ठगी, सुन तस्करी र जग्गा अपचलन जस्ता काण्डमा कृतिमान नै कायम गरे ।
नेपालको इतिहासमा लिक्ष्वीकाल स्वर्णिम काल भनेर पढेका थियौं तर ०६२-०६३ साल यताको समय नेपाल भ्रष्ट, दलाल र तस्करहरूका लागि स्वर्ग बन्न पुग्यो । नागरिकको दुःख दर्दमा मलमपट्टि लगाउनु त कता कता हिजो जसको विरुद्ध हतियार उठाएको हो, उनीहरू सँगै मिलेर सिङ्गो जनयुद्धलाई मजाक बनाए । नेतृत्वको व्यवहार, जीवनशैली, संगत र दलाल पोस्ने प्रवृत्ति सबैको समान देखियो ।
राणा, राजा, पञ्चायत, संसदीय व्यवस्था या गणतन्त्र कालमा हाम्रा शासकहरुको मूलभूत उद्देश्य राज्यकोष लुट्नुमै केन्द्रित रहेको छ । तिनका अपराधहरू सार्वजनिक नभएका होइनन् तर पनि अपराधीहरूले बिरलै सजाए पाएका छन् । सम्बद्ध निकायहरूले पनि भ्रष्टाचारीलाई कारबाही गर्नुको सट्टा व्यक्ति विशेषलाई सिध्याउन मात्र प्रयोग गरेको कसैबाट लुकेको छैन ।
सहकारीको रकम अपचलनमा झण्डै १ खर्ब रकम लाखौं बचतकर्ताको हिनामिना भएको छ । विभिन्न सहकारीबाट गोर्खा मिडियामा गएको रकम ६५ करोड मात्र हो । उक्त अपचलनमा रवि संलग्न भएको ठहरेमा कानुन बमोजिम कारबाही हुनुपर्नेमा कसैको दुईमत नहोला । यद्यपि ठूला पार्टीहरूले आफ्ना तमाम कर्तुतलाई ढाकछोप गर्न र नागरिकको ध्यान अन्यत्र मोड्न मात्र रविलाई पक्राउ गरेको नहोस् । बिडम्बना, रास्वपाका नेता कार्यकर्ताहरू पनि एमाले कांग्रेस, माओवादीहरुकै शैलीमा आफ्नो नेताले ठगेको छैन, चोरेको छैन भनेर उफ्रिनु जरुरी छ र ? राजनीतिलाई निष्ठा र आदर्श पूर्ण बनाउने हो भने छानबिन पूर्ण नहुँदासम्म पार्टी अध्यक्षको पदबाट बाहिर बस्नु पर्छ ।
हामी माहुरी हौं भन्यौ होला तनि भनेर जनताले २१ सीट दिए । बगैँचातिर जानुपर्ने बेला पुरानै पार्टी झैं सत्ताको लागि चर्पीतिर फङ्गाल्यौ । त्यो पनि दुई दुई पटक । अब कसरी विश्वास गर्ने ? रास्वपा रवि र रवि नै रास्वपा हो यदि भने अब नागरिकमा वैकल्पिक राजनीतिको भ्रम छर्न बन्द गर ।
भुवनेश्वर अर्याल
लेखक अर्याल नेपाली राजनीतिलाई नजिकबाट नियाली रहेका एक व्यवसायी, समाजसेवी र राजनीतिकर्मी हुन् ।
लेखकबाट थपपरराष्ट्रमन्त्रीका सय दिनः कूटनीतिक सक्रियता, सम्बन्ध विस्तारमा जोड
कात्तिक ६, २०८१ मंगलबार
सन्तुलित परराष्ट्र नीति नै हाम्रो मार्गदर्शन
कात्तिक ४, २०८१ आइतबार
सबै समुदायको अपनत्वका लागि रासस मातृभाषा समाचार सेवा
कात्तिक ४, २०८१ आइतबार
गृहमन्त्री र आईजीपीबीच खटपट ?
नेपालबहस संवाददाता
कात्तिक ६, २०८१ मंगलबार
देउवा नभेटी किन विराटनगर गए कोइरालाः कांग्रेसमा हल्ला, पुसभित्र केही हुन्छ ?
नेपालबहस संवाददाता
कात्तिक ४, २०८१ आइतबार
गृहमन्त्री र आईजीपीबीच खटपट ?
कात्तिक ६, २०८१ मंगलबार
सुप्रिम सहकारीः रवि र छबिका नाममा ४ करोड ५० लाख, सडकमा पीडितको प्रदर्शन
कात्तिक ६, २०८१ मंगलबार
सर्वोच्चमा चार सीट खाली, अदालत छिर्न शक्तिकेन्द्रतिर लागे उम्मेदवार
कात्तिक ६, २०८१ मंगलबार
खनियाखर्क बजारमा बेच्न राखिएका स्थानीय उत्पादन
कात्तिक ६, २०८१ मंगलबार
लेबनानको बेरुत अस्पताल नजिकै भएको इजरायली हमलामा १३ जनाको मृत्यु
कात्तिक ६, २०८१ मंगलबार
दशैंपछि घोडेपानी र पुनहिलमा पर्यटक बढे
कात्तिक ६, २०८१ मंगलबार
जनही २ लाखका दरले २३८ जना मृतकका परिवारलाई सरकारले दियो राहत, १२ परिवार बाँकी
कात्तिक ६, २०८१ मंगलबार
भक्तपुरका किसान धान सुकाउनमा व्यस्त [ फोटो फिचर ]
कात्तिक ६, २०८१ मंगलबार
चर्पीतिर जाने माहुरीहरु !
कात्तिक ६, २०८१ मंगलबार